Libros de adhesivos

Os de adhesivos non soen ter cabida nas bibliotecas polo seu formato, mais fan as delicias dos cativos e cativas. Pero ademáis son unha boa idea polo seguinte:

- Favorecen a motricidade fina.

- Axudan a desarrollar a visión espacial e a comprender escenas a partir de adhesivos soltos.

- En moitos casos son educativos.

- Hai opcións para cada idade. 

- Polo xeral teñen prezos asequibles.

- Soen abultar e pesar pouco, o que os fai cómodos para levar de viaxe.

- Para aqueles aos que non lles gusta acumular, soen ser libros que se tiran ao rematar. Mais tamén os hai cos adhesivos que se poden pegar e despegar moitas veces.

- Non son necesarios outros materiais para facelos (colores ou outras cousas).

- E sobre todo... son moi entretidos 👌

E a ti, ¿ocórreseche algunha virtude máis dos libros con adhesivos?

#librosdepegatinas #aculturasegue #bibliotecapúblicadepontevedra 

20 libros que ler antes dos 20

Selección feita polo persoal da Biblioteca Pública de Pontevedra Antonio Odriozola lembrando as nosas lecturas naqueles marabillosos anos...

Son varias as seleccións de libros que ler antes dos 18, dos 20 ou dos 25 anos. Algunhas que nos gustan son as que seguen:

https://librotea.elpais.com/estanterias/libros-a-contracorriente-la-contracultura-en-anagrama/

https://www.serpadres.es/adolescentes/fotos/libros-para-enganchar-a-la-lectura-a-tu-hijo-adolescente/

Para non repetir pensamos en facer unha lista especia,l e decidimos recomendar aqueles libros que nos marcaron a nós cando os limos antes de cumplir os vinte anos. Este é o motivo polo que o listado non ten libros demasiado recentes.😅

Agardamos que poidan ser unha orientación para os pais ou os rapaces que desexen buscar algo para ler este verán, mais tamén nos gustaría remover as lembranzas dos lectores que se achegaron a estas obras sendo novos.  

A orde dos libros da lista é aleatoria, todos os títulos deixaron unha forte pegada en máis dunha persoa da Biblioteca.

Sen máis, ahí vai a nosa selección. 

1. A nosa cinza / Xavier Alcalá : Este clásico da literatura galega fala da vida cotiá dun rapaz que medra na posguerra. A nosa cinza no catálogo
   
2. El laberinto de las aceitunas / Eduardo Mendoza. : Foron varios os libros deste autor que marcaron ao noso persoal na súa xuventude, pero entre todos destaca este cun esquema tan absurdo que engancha dende a primeira páxina. El laberinto de las aceitunas no catálogo
   
3. Os dous de sempre / Castelao : As historias de Pedriño e Rañolas nesta novela de Castelao impactan a quen as le agora tanto como o fixo cos que o lemos hai anos. Os dous de sempre no catálogo 
   
4. Juan Salvador Gaviota / Richard Bach : Esta novela sobre unha gaviota e a súa aprendizaxe foi outra das obras que máis nos gustaron. Juan Salvador Gaviota no catálogo    
   
5. Momo / Michael Ende : Algúns compañeiros preferiron A historia interminable, pero finalmente gañou Momo, quizáis polo contexto que estamos a vivir. A protagonista do libro é Momo, unha nena cunha enorme empatía que sabe escoitar aos demáis incluso en circunstacias difíciles. Momo no catálogo 
   
6. El hobbit/  J. R. R.Tolkien:  El señor de los anillos e El hobbit son outros dos libros que recomendamos ler na xuventude, aínda que unha vez que se comeza a ler a Tolkien non se para e acabamos lendo outras das súas obras.El hobbit no catálogo 
   
7. Memorias dun neno labrego/ Xosé Neira Vilas Os recordos da infancia de Balbino, ese neno pobre galego, seguen a ser hoxe un clásico moi recomendado.  Memorias dun neno labrego no catálogo 
   
8. Mortadelo y Filemón / Francisco Ibáñez : As aventuras de Mortadelo e Filemón non precisan descripción, pero se alguén dubida de se sonb unha boa recomendación para este tramo e idade só ten que deixar un nas mans dun mozo ou moza. Mortadelo e Filemón no catálogo 
   
9. El diario de Ana Frank / Ana Frank : Os diarios persoais escritos por Ana Frank entre o 12 de xuño de 1942 e o 1 de agosto de 1944 mentres estaba agochada dos nazis son outro dos relatos máis aconsellado para ler antes de cumplir os vinte, pero tamén para ler en calquer momento.  El diario de Ana Frank no catálogo 
   
10. Cien años de soledad / Gabriel García Márquez : O pobo ficticio de Macondo acolle a historia das sete xeración da familia Buendía. Cien años de soledad no catálogo 
    
11. Los santos inocentes/ Miguel Delibes : Costou decidir entre este libro ou El Camino, pero a familia de campesiños de Paco e Régula e o retrato da Estremadura dos anos sesenta do século XX venceron.Los santos inocentes no catálogo 
    
12. El mundo de Sofía / Jostein Gaarder: esta novela é un pretexto para repasar a historia da filosofía occidental. El mundo de Sofía no catálogo 
    
13. Xoguetes para un tempo prohibido / Carlos Casares : a xente nova consegue identificarse co protagonista da novela, aínda que as circunstancias actuais son ben diferentes. Pero dalgún modo serve para ver que todo pasamos por determinadas etapas vitais.  Xoguetes para un tempo prohibido no catálogo 
    
14. Mafalda / Quino  Calquera libro con tiras de Quino sobre Mafalda son xeniais para os máis novos, un humor que sempre funciona. Mafalda no catálogo 
    
15. Yáiza / Alberto Vázquez-Figueroa : Yáiza é a segunda parte dunha triloxía que fala da emigración e das crenzas sobrenaturais doutras épocas. Yáiza no catálogo 
    
16. Escuela de Robinsones / Julio Verne : esta novela foi orixinalmente escrita por entregas no ano 1882 poe Julio Verne. Naceu como unha parodia de Robinson Crusoe máis resulta ser realmente enxeñosa. Escuela de Robinsones no catálogo 
    
17. Esther y su mundo / Purita Campos : Esther é a protagonista adolescente destas historietas. Vestía á moda, estaba namorada dun rapaz loiro... pero era moito máis, era o primeiro cómic español que falaba ás rapazas dunha vida que non tiñan e que podían ter. Esther y su mundo no catálogo  
    
18. El imperio del sol / J. G. Ballard : Esta novela relata como un rapaz británico de once anos vive en Shangái durante a Segunda Guerra Mundial. Un relato cargado de momentos emotivos. El imperio del sol no catálogo 
    
     
19. La vida es sueño / Calderón de la Barca : Esta obra de teatro é fundamental para ler antes dos 20, xa que se trata a liberdade do ser humano para configurar a súa vida, sen deixarse levar polo destino. La vida es sueño no catálogo 
    
20. Los pazos de Ulloa / Emilia Pardo Bazán : Esta novela ambientada na Galicia rural é o último dos títulos que incluímos na nosa lista. Non hai rapaz ou rapaza que se resista a coñecer unha etapa diferente da nosa historia. Los pazos de Ulloa no catálogo 
    

Como vedes, a maioría dos libros desta selección son novelas, mais temos tamén unha obra de teatro e algún cómic. 

Estamos seguros de que tedes outro título para engadir... nós mesmos deixamos moitos como Los miserables, A esmorga, El perfume, Astérix... Anímaste a completar a lista coas túas lecturas de antes dos 20 anos?

Apertura do préstamo interbibliotecario

A partir do luns 1 de xuño abrimos o préstamo interbibliotecario, que da a posibilidade de solicitar

 documentos que non estén na nosa biblioteca pero si noutras bibliotecas públicas como son:

• Biblioteca Pública de A Coruña Miguel González Garcés
• Biblioteca Pública de Santiago Ánxel Casal
• Biblioteca Pública de Lugo
• Biblioteca Pública de Ourense
• Biblioteca Pública de Vigo Juan Compañel
• Biblioteca Municipal de Ferrol

Localiza o título que che interese no catálogo da rede e solicítao do mesmo xeito que os demáis préstamos: 

1. A través do formulario que está na web: formulario de préstamo as 24 horas de luns a domingo.
2. Por teléfono:
1. Nos teléfonos 886 159 812 e  886 159 814.
2. De luns a venres de 10.00 a 13.00 h. e de 16.00 a 19.00 h.

• Cando o teu material estea listo poñerémonos en contacto contigo e darémosche unha cita para recollelo

A seguridade na Biblioteca

A seguridade na Biblioteca é o máis importante neste momento:

🧩O uso de mascarilla 😷 é obrigatorio ao non poder garantir a distancia mínima de seguridade.

🧩Temos xel hidroalcohólico🧴á entrada da Biblioteca.

🧩Habilitamos zonas diferentes para devolver e levar prestados libros (lembra que o préstamo faise con cita previa).

🧩Os libros que nos devolvedes pasan unha corentena 🗓 de 14 días antes de volver a estar dispoñibles no catálogo.

🧩Deberase acudir á Biblioteca de un en un, salvo os menores de 14 anos que deberán vir acompañados.

🧩Incrementamos a atención on line 📧 e telefónica 📞 co fin de facilitar os servizos que imos recuperando.

#aculturasegue #quedanacasa #bibliotecapúblicadepontevedra 

" Estas vacacións..."

" Estas vacacións…"

Seguramente estas dúas palabras, xunto con coronavirus e confinamento, son dúas das máis pronunciadas estes días de corentena. “Estas vacacións non sairemos….”; “ Estas vacacións quedarémonos por Galicia….”; “Estas vacacións non sei onde iremos...”; “Estas vacacións faremos turismo nacional...”…. e moitas outras.

A situación de excepcionalidade na que nos atopamos, fai que non nos apeteza facer plans a largo prazo. A incerteza, o non saber que pasará, crea en moitos casos desánimo e falta de interese ante un período tan ansiado como son as vacacións.

Desde a Biblioteca de Pontevedra queremos propoñer algúns destinos que poidan resultar de interese, senon para este ano raro, para outras vacacións, noutros momentos mellores, que seguro chegarán.

Ánimo!!!

1.-Galicia...enteira.

Galicia megalítica, Galicia artística e monumental, Galicia de sol e praia, Galicia de turismo activo… e moito máis.

2.- Urdaibai. (Biscaia)

Declarado Reserva da Biosfera pola UNESCO no 1984. Praias, bosques, marismas, cantís, … natureza en estado puro.

3.- Merindades.(Burgos)

Pobos medievais, fervenzas e moita natureza.

4.- A Alcarria (Guadalaxara).

Esta comarca inmortalizada por Camilo José Cela, ofrece amplos e variados espazos naturais: páramos, campiñas, cerros,...

5.- Ruta polos Pobos Brancos.(Andalucía)

Un espectáculo visual no que ese une a cor do ceo azul, o amarelo do sol, o verde das serras e o branco encalado das fachadas das súas casas.

        Estes son só algúns exemplos de viaxes.

       Axudádenos a completar a lista.!!

       Enviade as vosas propostas de destinos a:

    .- www.facebook.com/biblio.publica.pontevedra

   .- Correo electrónico: biblio.publica.pontevedra@xunta.gal

Apertura dos servizos de préstamo e devolución

A Biblioteca abre desde este luns 18 de maio os servizos de préstamo e devolución, ademáis de que xa se poden facer o carnés para os novos usuarios.

• Devolución:
  • ​​​​​​​Sen cita previa.
  • Podes devolver os materiais que tes na casa ata o 11 de xuño.
  • Na planta baixa da bilioteca tes un lugar reservado para isto.
  • Horario:
    • De luns a venres: de 9.00 a 14.00 h. e de 15.00 a 20.00 h.
    • Sábados: de 10.00 a 13.45 h.

• Préstamo:
  • O servizo de préstamo funcionará mediante pedidos, que se farán:
    • A través do formulario que está na web: Formulario de préstamo as 24 horas de luns a domingo.
    • Por teléfono:
      • Nos teléfonos 886 159 812 e  886 159 814.
      • De luns a venres de 10.00 a 13.00 h. e de 16.00 a 19.00 h.
  • Cando o teu material esté listo porémonos en contacto contigo e darémosche unha cita para recollelo.

• Novos carnés de usuario:
  • Para solicitar o carné envía un correo electrónico a biblio.publica.pontevedra@xunta.gal e porémonos en contacto contigo.

Letras con moito ritmo

Para celebrar o 17 de maio, Día das Letras Galegas, dende a Biblioteca Pública de Pontevedra queremos propoñer aos nenos e mozos da casa que nos mandedes un vídeo ou audio recitando un poema de Rosalía de Castro, primeira escritora homenaxeada na celebración do día das Letras Galegas no ano 1963.

Podedes facelo ao noso correo electrónico:

biblio.publica.pontevedra@xunta.gal