xoves, 23 de decembro de 2021

Isto tamén pasará

 


"Isto tamén pasará" é unha selección de libros dirixidos a adolescentes, mocidade algo máis adulta e pais e nais, con obras sobre os cambios físicos e psicolóxicos que se producen na transicción á idade adulta. 

Os materiaos poden ser levados en préstamo.

Desde o 21 de decembro ata o 15 de xaneiro



 



xoves, 25 de novembro de 2021

Entrevista a Antía Cons, autora de "La estrella estrellada"

 



Nada en Vigo, Antía sempre se considerou máis unha científica ca outra cousa, e non obstante acabou estudando a carreira de Ciencias da Cultura e Difusión Cultural. Vivíu cinco meses en Xapón grazas a unha beca universitaría, e o seu amor polas viaxes e as culturas leváronna a distintas partes do planeta. Traballou na Biblioteca Pública de Pontevedra Antonio Odriozola, e agora finalmente decidiuse a dar un paso adiante e tentar vivir de dúas das súas grandes pasións: o debuxo e a escritura. Con este conto, a súa primeira obra publicada, todos eses anhelos fanse realidade.


Como xurde a idea de escribir un conto infantil?

Sempre tiven na cabeza decenas de historias de todo tipo. Algunhas chegueinas escribir, outras non, pero sempre estaban aí. 


Pero ata agora non te animaras a publicar nada. 

Non. Sempre o considerei máis coma un pasatempo que como algo ao que me puidera adicar profesionalmente.  


Pode dicirse que a pandemia te axudou a dar finalmente ese paso profesional?

Podería dicirse que si. Tiña todo o tempo do mundo e este conto o tiña gardado nun recuncho dende facía anos. Así que un día saqueino á luz e comecei debuxalo. Despois viñeron as palabras. Palabras en verso.


Escribir en castelán sendo galegofaltante foi unha decisión premeditada?

Non, en absoluto. Nin escribilo en rima. Como xa dixen primeiro fixen as ilustracións e, cando finalmente tocou a parte escrita, xurdíu desa maneira. E unha vez comecei xa non era capaz de velo escrito en prosa ou en galego.


Pero o seguinte conto si está escrito nese idioma. Entón hai contos para rato? 

Todo depende da imaxinación e das ideas que vaian xurdindo polo camiño, pero esa é a intención. Gústame experimentar e ir explorando novos camiños. 


E neste novo conto tamén haberá animais e moita auga?

Ou son dúas cousas totalmente distintas. Si e non. Son dous contos totalmente distintos entre eles, pero a mensaxe non é moi diferente. Aceptarte a ti mesma, o mundo que che rodea e aos demais. Aprender a vivir en paz e harmonía. E por suposto non ter medo a vivir aventuras. Aventuras como poñerse diante dun teclado e escribir un conto. Unha boa aventura chea de sorpresas, sen nengunha dúbida.


Desde a Biblioteca queremos desexar moita sorte a  Antía na súa faceta como escritora e ilustradora.




martes, 23 de novembro de 2021

"Micrófono aberto" de WordPress Pontevedra




Desde a biblioteca Pública de Pontevedra estamos encantadas da vosa volta ás reunións presenciais na biblioteca. Será o vindeiro venres 26 de novembro ás 18.00 h. e terán transcurrido entón 644 días desde a última reunión presencial.

Será uhna sesión de "micrófono aberto", na que falar e compartir as últimas experiencias

😷 O evento realízase no salón de actos da Biblioteca, coma sempre. É  un lugar enorme onde non haberá problema en manter a distancia social e será obrigatorio o uso de máscara.






martes, 16 de novembro de 2021

"Os marabillosos xoguetes ópticos"




 Obradoiro de precine


                    Queredes saber que artefactos foron os precursores do cine moderno? 

As nenas e nenos realizarán os seus primeiros debuxos animados construíndo xoguetes ópticos.

 

O venres 26 de novembro ás 18.00 h. para rapazada de 6 a 11 anos.

 

Con inscrición previa a partir do 17 de novembro ás 11.00 h. a través do formulario da páxina web da biblioteca



luns, 8 de novembro de 2021

Novembro. Mes da ciencia en galego nas bibliotecas

 



Como cada mes de novembro, este ano tamén se celebra o mes da ciencia en galego nas bibliotecas.




Dende a Biblioteca Pública Antonio Odriozola de Pontevedra temos unha programación de actividades especiais sobre ciencia e tres centros de interese: un na sala infantil sobre astronomía, un de ciencia escrita en galego na entrada da biblioteca e outro no segundo andar con libros de ciencia en xeral.





Faladorio Senlleiras





 Faladoiro arredor do libro “Senlleiras” de Antía Yáñez para público xuvenil e adulto.


O luns 22 de novembro ás 19.00 h.


Con inscrición previa a partir do xoves 11 de novembro ás 11.00 h. a través do formulario da páxina web da biblioteca.

 



Obradoiro de simulación de galaxias e eclipses

 



Obradoiro dirixido a nenas e nenos de 8 a 12 anos.


O venres 19 de novembro de 16.30 a 18.00 h.

 

Inscrición previa dende o mércores 10 de novembro ás 11.00 h. no formulario da páxina web da biblioteca.




O chineiro da tía María

 




Espectáculo para público familiar a partir de 6 anos.


Con inscrición previa a partir do xoves 11 de novembro ás 11.00 h. no formulario da páxina web da biblioteca. Cada persoa que inscribe pode anotar a varias persoas da mesma unidade familiar.


Hai dúas sesións a elexir:

  • O sábado 20 de novembro ás 11.30 h.
  • O venres 3 de decembro ás 18.00 h.


Uso obrigatorio de máscara



martes, 2 de novembro de 2021

Obradoiro de mulleres científicas

 

O día 12 de novembro temos os obradoiros de mulleres científicas para rapazada de 6 a 12 anos. 

Tes dúas sesións a elexir: Ás 17.30 h. ou ás 19.00 h.

Inscrición previa a partir do día 3 de novembro ás 11.00 h. no formulario da páxina web da biblioteca.



mércores, 27 de outubro de 2021

Bibliotecas para todas as persoas

 

Bibliotecas para todas as persoas é unha mostra da Biblioteca Pública de Pontevedra, feita co gallo do Día das Bibliotecas que se celebrou o 24 de outubro, que pretende visibilizar iniciativas bibliotecarias pouco coñecidas.



Biblioteca Humana

A Biblioteca humana está deseñada para xerar ambientes positivos onde se poda conversar co obxectivo de romper estereotipos e prexuízos . É un lugar onde persoas reais se ofrecen como libros en préstamo aos lectores para contar as súas experiencias vitais. Calquera persoa pode ser un libro porque calquera de nós ten algo que contar a quen esté disposto a escoitar.

Esta iniciativa nace na cidade de Copenhague no 2000, da man dun grupo de mozos preocupados pola violencia na sociedade. O lema deste movemento é:

Non xulgues un libro pola súa cuberta”, que sería o mesmo que dicir non xulgues ás persoas polo seu aspecto.


As persoas hospitalizadas deben poden acceder á lectura independentemente da súa situación. As bibliotecas para pacientes teñen como obxectivos fundamentais: entreter ás persoas ingresadas e favorecer a súa recuperación.


O carriño das letras


O carriño das letras é un recurso do programa Saúde e Lectura da Rede de Bibliotecas para Pacientes, que funciona como biblioteca móbil, ofrecendo lecturas a pacientes encamados e aos seus familiares. Ademais serve para dar a coñecer todas as actividades que realiza a biblioteca.



Bibliotecas de prisións

A finais do século XIX abriron as primeiras escolas e bibliotecas nas cárceres de España. A estrutura actual das bibliotecas penitenciarias en España desenvolveuse na década dos 70 e a lei española esixe que tódalas institucións correccionais teñan unha biblioteca.

O dereito á información e á aprendizaxe é un dereito universal e aberto a toda a cidadanía, polo que as persoas privadas de liberdade teñen o mesmo dereito. A biblioteca de prisións convértese nunha parte importante de todo o ambiente carcerario no seu apoio aos programas educacionais, recreativos e de rehabilitación.


    Lecturas abertas, portas pechadas: Trátase dun proxecto de colaboración entre a Biblioteca Provincial de Córdoba e o Centro Penitenciario de Córdoba.



As bibliotecas móbiles teñen como obxectivo levar a información e o coñecemento ata os lugares máis recónditos.

Os servizos bibliotecarios móbiles son necesarios porque eliminan barreiras xeográficas, sociais e económicas; fomentan a lectura en zonas rurais e desfavorecidas; favorecen a aprendizaxe; axudan a loitar contra a desinformación,...

Algúns exemplos de bibliotecas móbiles son: os bibliobuses, camións, lanchas, biblioburros ou biblioelefantes...



Feliz día das bibliotecas!

martes, 26 de outubro de 2021

Obradorio de robótica creativa

 



Se tes entre 8 e 14 anos, o vindeiro venres 5 de novembro de 18.00 a 19.30 h. poderás disfrutar dun obradoiro de robótica creativa.

 

As inscricións terán lugar no formulario da páxina web a partir do mércores 27 de outubro ás 11.00 h.





venres, 22 de outubro de 2021

Volvemos ao noso horario de sempre!

 




 

 

A partir deste martes 26 de outubro a Biblioteca estará aberta no seu horario de sempre:

 

De luns a venres de 9.00 a 21.00  h.

Sábados de 10.00 a 14.00 h.


 

sábado, 16 de outubro de 2021

Cóntanos que les




Con motivo do día do lector e da lectora que se celebra o 3 de novembro faremos unha selección cos libros que nos recomendedes as lectoras e os lectores da @bppontevedra

Agardamos as vosas suxerencias!


mércores, 13 de outubro de 2021

Contos para celebrar o Día da Biblioteca




O venres 22 ás 18.00 h. 


Con inscrición previa a partir de hoxe 13 de outubro ás 11.00 h. a través do formulario da páxina web de biblioteca. Cada persoa que inscribe pode indicar o número de persoas da unidade de convivencia que van acudir, ata un máximo de 5.


Para público familiar a partir de 6 anos.


#bibliotecapúblicadepontevedra #actividades #díadabiblioteca 

martes, 5 de outubro de 2021

Cinema de historias da man de Alice Guy


Especial Día das escritoras


O venres 15 de outubro ás 18.00 h. gozaremos vendo as primeiras adaptacións cinematográficas inspiradas nos contos marabillosos e nos libros clásicos da literatura.


Para público familiar, a partir de 6 anos no salón de actos da Biblioteca.


Con inscrición previa a partir do 6 de outubro ás 11.00 h. a través do formulario web da biblioteca. No dito formulario, a persoa que inscribe pode indicar o número de convivintes que van acudir (ata máximo 5).


 

luns, 4 de outubro de 2021

Novo horario de apertura ao público



A partir de hoxe, luns 4 de outubro, o horario de apertura ao público da biblioteca será:


— Luns a venres de 9.00 a 14.00 h e de 15.00 a 21.00 h.

— Sábados de 10.00 a 14.00 h.



martes, 21 de setembro de 2021

Obradoiro de Kamishibai

 



O vindeiro 1 de outubro terá lugar na Biblioteca un obradoiro de Kamishibai para nenos e nenas de 6 a 11 anos no espazo de acticidades da planta baixa. De 18.00 a 19.30 h.

 

Os nenos e nenas crean historias a partir de lecturas que teñan feito ou ben inventan narrativas novas. Estructúrase a historia en diferentes pranos e configúranse personaxes a través de debuxos, collages...Realízase unha maqueta física do teatro, recortando, pegando e debuxando onde ó rematar cada participante representa a súa historia e poden levar para casa o seu teatriño.

 

Con inscrición previa a partir do 22 de setembro ás 11.00 h. a través do formulario da páxina web da biblioteca.

 

Uso obrigatorio de máscara



martes, 14 de setembro de 2021

A detective peregrina e o roubo do torque

 



Un roubo no Museo vai facer que Peregrina, a investigadora pontevedresa, teña que resolver un novo misterio…

Obradoiro de contos e debuxos para nenos e nenas a partir de 6 anos.


Na Biblioteca Pública de Pontevedra o venres 24 de setembro ás 18.00h.


Con inscrición previa a partir do 15 de setembro na páxina web da biblioteca.






luns, 13 de setembro de 2021

Experimentos divertidos




Obradoiro de iniciación á ciencia para rapazas e rapaces no que participarán de diversos experimentos.


O xoves 23 de setembro de 18.00 a 19.30 h.


Público infantil, de 6 a 12 anos


Con inscrición previa a partir do 14 de setembro ás 11.00 h. a través do formulario da páxina web de biblioteca.


Uso obrigatorio de máscara

martes, 7 de setembro de 2021

Curso de filosofía 2021-2022


 

 Filosofar no século XXI.



Curso de filosofía aberto a cargo do Dr. en Filosofía e CC.EE. Domingos Antom Garcia Fernandes.


Actividade realizada ao abeiro do Programa de voluntariado cultural nas bibliotecas públicas.


Os mércores a partir do 6 de outubro en horario de 19.00 a 20.45 h. no salón de actos.



Prazo de inscrición do 8 ao 15 de setembro a través deste formulario web.




Da biblio a Hogwarts

 


Chega un novo obradoiro de maxia á biblioteca para rapaces e rapazas de 8 a 11 anos. O próximo venres 17 de setembro de 18.00 a 19.30 h.


Con inscrición previa na páxina web da biblioteca a partir do 8 de setembro ás 11.00 h.




Clubs de lectura 2021/2022




Voltan os clubs de lectura da biblioteca:

— Club “Voz de muller” luns alternos desde o 4 de outubro de 19.00 a 20.00 h.

— Club de francés martes alternos desde o 5 de outubro de 19.00 a 20.00 h.

— Club de castelán todos os mércores desde o 6 de outubro de 17.00 a 18.00 h.

— Club de galego xoves alternos desde o 7 de outubro de 19.00 a 20.00 h.

 


Prazo de inscrición inicial: do 21 ao 27 de setembro (só se permitirá a elección dun club por persoa)

20 de setembro: xornada presencial en horario de 9.00 a 14.00 h e 16.00 a 20.45 h na administración da biblioteca (segundo andar).

Do 21 ao 27 de setembro:  inscrición a través deste formulario web.

 


Segundo prazo: aberto todo o ano a partir do 28 de setembro

Neste prazo poderán facerse solicitudes a calquera club, independentemente de que xa se dispoña de praza noutro. As solicitudes serán a través de formulario web.

 


As prazas cubriranse por estrita orde de petición. As solicitudes que queden sen praza formarán una lista de reservas con vixencia durante esta etapa dos clubs.



martes, 31 de agosto de 2021

Obradorio de iniciación ao teatro para adultos




Mañá comeza o prazo de inscrición para o obradorio de iniciación ao teatro para adultos, a cargo de Manuel Solla.


Os días 8, 9 e 10 de setembro de 18.00 a 20.00 h.


Inscricións a partir do día 1 de setembro no formulario da páxina web da biblioteca.



luns, 30 de agosto de 2021

Creación de Ecopersonaxes de conto

 



O vindeiro 7 de setembro, de 17.30 a 19.30 h. terá lugar este  obradoiro a cargo de Anias para público infantil, de 6 a 9 anos.

Os participantes escoitarán un conto máxico sobre ecoloxía e coidado do medio ambiente, no que os seres fantásticos que o protagonizan darán a coñecer a importancia do coidado do entorno natural e dos seus habitantes. Despois do conto crearán ilustracións de seres fantásticos utilizando elementos naturais de forma sostíbel.


Con inscrición previa a partir do 31 de agosto ás 11.00 h. a través do formulario da páxina web da biblioteca


Uso obrigatorio de máscara



 

mércores, 25 de agosto de 2021

A Alquimista



O 3 de setembro ás 18:00 h.

A Alquimista é unha peza de teatro e música onde se reivindica por unha banda o papel da muller na ciencia e pola outra, o uso do galego no terreo científico.

Para público familiar a partir de 6 anos

Con inscrición previa a partir do 25 de agosto ás 11 h. a través do formulario da páxina web da biblioteca. No dito formulario, a persoa que se inscribe pode indicar o número de convivintes que van acudir (ata 5 máximo).


luns, 2 de agosto de 2021

Camiñando a Compostela




"Camiñando a Compostela" é unha pequena mostra bibliográfica, con libros propios, sobre os camiños de Santiago, que estará na planta baixa da Biblioteca dende o 1 de agosto ata o 15 de setembro.




Os libros e películas que a compoñen poden levarse prestados.





martes, 6 de xullo de 2021

Camiña Galicia

 




Durante os meses de verán, na sala infantil, podes atopar esta selección de libros para levar prestados  sobre os camiños de Santiago.







luns, 28 de xuño de 2021

Co orgullo de ser como somos

 




O día 28 de xuño celébrase o día do orgullo LGTBI+. 

Na Biblioteca Pública de Pontevedra Antonio Odriozola temos unha sección estable no segundo andar na que podes atopar materiais diversos de temática LGTBI+.







venres, 25 de xuño de 2021

Horario de verán




Durante os meses de xullo e agosto a Biblioteca abre de luns a venres de 8.30 a 14.30h.


O servizo de préstamo pecha dez minutos antes do peche da Biblioteca.


luns, 21 de xuño de 2021

Obradoiros de verán




Volven os obradoiros de verán á Biblioteca Pública de Pontevedra!




Este verán temos dous obradorios:


Obradorio de historias e creación musical:

Para nenas e nenos de 6 a 8 anos os xoves 8, 15, 22 e 29 de xullo de 11.00 a 12.30 h.



Obradoiro de lettering e arte visual:

Para nenas e nenos de 9 a 12 anos, os martes 6, 13, 20 e 27 de xullo de 11.00 a 12.30 h.



Inscrición previa  a partir do 22 de xuño no formulario da páxina web da Biblioteca Pública de Pontevedra. 

Entrada de balde



Libros con corazón

Imos poñer a San Valentín como escusa para ensinarvos unha pequena selección de libros en cuxo título aparece a palabra corazón. Se quer...