mércores, 19 de decembro de 2018

Concurso de Postais de Nadal 2019

Xa temos os premiados do concurso de postais de Nadal da Biblioteca Pública de Pontevedra Antonio Odriozola:

Categoría de 0 a 5 anos: Manuel Rodríguez Lois

Categoría de 6 a 8 anos: Sara Allegue Freire

Categoría de 9 a 11 anos: Doaa Jamladi Jamladi

Categoría de 12 a 14 anos: María Pardo Sánchez





A entrega de premios será mañá xoves 20 ás 18:30 h. e contaremos coa presencia do ilustrador e escritor pontevedrés Carlos Taboada, que forma parte do xurado.



mércores, 21 de novembro de 2018

Tolos polos inventos

Con motivo co mes da ciencia nas bibliotecas en galego, en novembro de 2018 organizouse na biblioteca unha mostra bibliográfica sobre inventos e dous centros de inetrese, un en adulto e outro en infantil con libros para levar en préstamo dunha temática similar.




















venres, 16 de novembro de 2018

Concurso infantil de postais de Nadal

A Biblioteca Pública de Pontevedra Antonio Odriozola convoca o Concurso Infantil de Postais de Nadal.



Poden participar todos aqueles nen@s con carné da Rede de Bibliotecas de Galicia, e establécense catro categorías:
A) De 0 a 5 anos
B) De 6 a 8 anos
C) De 9 a 11 anos
D) De 12 a 14 anos

O traballo a presentar será unha postal de Nadal coas seguintes características:
- O tamaño da postal será a metade dun folio pregado.
- Poderase realizar en calquera técnica plástica.

A BIBLIOTECA CONTARÁ CUN ESPAZO MAKER CREATIVO NA SALA INFANTIL PARA QUE OS NENOS E NENAS POIDAN FACER AS SÚAS POSTAIS

Os traballos presentaranse nun sobre pechado na entrada da biblioteca, en horario de luns a venres de 9.00 a 20.45 h., e os sábados de 10.00 a 13.45 h., ou por correo postal (R/ Alfonso XIII, 3. 36002 Pontevedra). 

No sobre non pode figurar a identidade do autor. Dentro irán a postal e un sobre pequeno pechado con:
- A solicitude cos datos do participante. (Descargar aquí)
- Autorización do pai / nai ou titor para a participación no concurso e a cesión do traballo á biblioteca (Descargar aquí)

O prazo de presentación será do 16 de novembro ao 15 de decembro.

Os premios serán  un pack creativo para cada un dos catro gañadores.

Unha selección dos mesmos expoñeranse na biblioteca e felicitaremos o Nadal cun dos catro traballos premiados.

Para calquera dúbida: biblio.publica.pontevedra@xunta.gal ou 886 159 250 / 886 159 245.






xoves, 15 de novembro de 2018

Hoxe recomendamos... "Iridium" de Francisco Castro


Iris é unha rapaza que cursa primeiro de bacharelato, unha rapaza que quere vivir disfritando de cada momento. Está considereda una raíña de Instagram, onde ten milleiros de seguidores. O que non saben estes siareiros é que Iris ten unha discapacidade froito dun accidente de tráfico. O que non saben os siareiros son todas as dificultades porlas que Iris pasa cada día. 


Esta novela xuvenil do escritor vigués Francisco Castro é unha denuncia da hipocrisía que vivimos na sociedade, pero é tamen unha novela de amor, porque Iris sente, sobre, goza, ri e chora coma calquera.

mércores, 7 de novembro de 2018

Programación para novembro: Mes da ciencia en galego nas bibliotecas

  • "Miúdos inventos!" 

    Mostra bibliográfica na sala de exposicións da biblioteca, para todas as idades. Do 9 ó 30 de novembro.


  • "Tolos polos inventos" 

    Centro de interese na sala infantil cunha selección de títulos sobre inventos e inventores para levar en préstamo. Do 9 ó 30 de novembro.


  • "Inventores que cambiaron o mundo" 

    Centro de interese no segundo andar cunha selección de títulos sobre inventos e inventores para levar en préstamo. Do 9 ó 30 de novembro. 

     

  • 9 de novembro, venres: Sesión de contos + obradoiro de debuxo: Ángela Ruiz Robles, precursora do libro electrónico”, a cargo de Polo Correo do Vento

     



Público destinatario: Nen@s a partir de 3 anos



Lugar: Sala de obradoiros


Hora: 18:00



Entrada de balde, ata completar aforo


  • 16 de novembro, venres: Sesión de contos: Cuentíficos”, a cargo de Expresión Contacontos (Manuel Solla)


Sinopse: Contacontos en inglés...moita ciencia e diversión



Público destinatario: Nen@s a partir de 3 anos

Lugar: Sala de obradoiros

Hora: 18:00

Entrada de balde, ata completar aforo



  • 23 de novembro, venres: Sesión de contos: “Os contos da cesta de carapuchiña”, a cargo de Bea Campos (Migallas)




Público destinatario: Nen@s a partir de 3 anos

Lugar: Sala de obradoiros

Hora: 18:00

Entrada de balde, ata completar aforo


  • 30 de novembro, venres: Obradoiro de ciencia Diverciencia: obradoiro de experimentos”, a cargo Anias



Sinopse: Obradoiro para achegar a ciencia aos nenos a través do descubrimento.

Público destinatario: Nen@s de 6 a 8 anos, e de 9 a 12.

Lugar: Sala de obradoiros

Hora: De 17:30 a 18:30 (Nen@s de 6 a 8 anos)

De 19:00 a 20:00 (Nen@s de 9 a 12 anos)

Con inscripción previa, a partir do 19 de novembro na entrada da Biblioteca (Información) ou por teléfono (886 15 92 50), en horario de 9 a 20:30.

Entrada de balde


xoves, 25 de outubro de 2018

Valedoras do saber, vítimas da ignorancia


John Steinbek dixo que "polo grosor do pó nos libros dunha biblioteca pública, pode medirse a cultura dun pobo". Que dicir entón cando son as bibliotecas as convertidas en pó? Sabemos que en tempos recentes, diferentes centros depositarios da cultura humana teñen sido vítimas da barbarie da mesma especie que as creou.

Por exemplo, a Biblioteca de Jaffna, en Sri Lanka, foi queimada en 1981 pola poboación budista en represalia pola demanda de igualdade de dereitos dos seus compatriotas hindús. A Biblioteca Nacional de Irak foi incendiada e saqueada durante a Guerra en 2003, perdéndose un millón de obras, número semellante ao perdido na Biblioteca da Universidade de Mosul cando foi arrasada por completo polo ISIS en 2014.

Pero este non é un fenómeno propio dos nosos tempos, senón que cíclicamente ao longo da nosa historia a ignorancia prevaleceu sobre o saber. No mundo antigo atopamos múltiples exemplos de destrución do saber escrito, como os da biblioteca de Éfeso, na actual Turquía, cos seus 12.000 rolos de papiro ou da de Pérgamo, en Asia Menor, que chegou a contar con 200.000 volumes. Máis famoso é o caso da Biblioteca de Alexandría, en Exipto, unha das sete marabillas do mundo antigo, que puido chegar a acoller ata 700.000 manuscritos e cuxa destrución segue sendo hoxe un misterio.

No Medievo, a barbarie non se detén. Bibliotecas musulmás como a Casa da Sabedoría de Bagdad ou a da fortaleza de Alamut pereceron, ao igual que o saber islámico, a mans dos mongois. Pero as destrucións non se limitan ao Occidente, senón que na actual India, a Universidade budista de Nalanda é destruída polos turcos mamelucos xunto cos seus preto de 9 millóns de documentos, nun golpe do que o budismo na India xamais se recuperará.

Nos albores da Idade Moderna, desaparece un dos últimos faros da cultura antiga, a Biblioteca Imperial de Constantinopla, que tras unha vida de máis de mil anos marcada por múltiples avatares, perece ao igual que Bizancio coa conquista turca de 1453. Os otomanos tamén arrasaron case por completo a Biblioteca Corviniana, unha das mellores bibliotecas do Renacemento, tras a súa invasión de Hungría. Pero tamén a cultura islámica sufríu a cólera da intolerancia relixiosa cando o Cardeal Cisneros, tras a toma de Granada, ordeou a queima da biblioteca da Madraza.

Xa en época contemporánea, as guerras volveron pasar factura aos centros do saber. A Biblioteca Nacional do Perú, unha das máis importantes de América no século XIX, foi empregada como cuartel tanto na Guerra de Independencia polos españois como na do Pacífico polas tropas chilenas, co conseguinte deterioro que servirá de preludio da súa definitiva desparición en 1943. Ao norte, a Biblioteca da Universidade de Alabama, nos Estados Unidos, unha das máis importantes do país, é queimada ata os cimentos polo exército unionista nun dos últimos episodios da cruenta Guerra de Secesión.

Xa no século XX, os sucesos máis dantescos da nosa historia recente, a Gran Guerra e a II Guerra Mundial, causarán de novo a destrución do coñecemento. En Bélxica, a Universiteitsbibliotheek de Lovaina sufrirá os efectos de ambas. As tropas alemás destrúena en 1914 cos seus 300.000 volumes tras case 300 anos de historia. Reconstruída en 1928, voltará perecer na II Guerra Mundial. Nesta mesma loita entre o eixo e os aliados será arrasada a Holland House de Londres durante un interminable bombardeo aereo da cidade a cargo da Luftwaffe.

Desgraciadamente e como xa vimos, non foron estes os últimos exemplos de destrución do saber aos que tivemos que asistir: na madrugada do 26 de agosto de 1992, o Vijecnica de Saraxevo, biblioteca nacional e símbolo da multiculturalidade dos balcáns, foi reducido a cinzas no contexto da Guerra de Bosnia. Estimase que se perderon arredor de dous millóns de exemplares, algúns deles de valor incalculabe e testemuña dunha rica historia de mestizaxe na zona. Como resposta a esta e outras atrocidades cometidas neste conflicto bélico, un músico da Filharmónica de Saraxevo decidiu renderlle homenaxe a 22 veciños da súa cidade que morreron diante del nun bombardeo mentres facían cola nunha panadaría. Nas ruinas do Vijecnica, Vedran Smailovic tocou co seu violonchelo o Adagio de Albinoni durante 22 días, nun berro desesperado para que a comunidade internacional puxera o seu foco no que alí estaba acontecendo. É por iso que cada ano conmemoramos o Día das Bibliotecas. Tal vez nun futuro non haxa necesidade de adicarlle un Día ás Bibliotecas. Tal vez nun futuro o sentido común faga honra ao seu nome.











martes, 23 de outubro de 2018

Visitas escolares


 
A BIBLIOTECA PÚBLICA DE PONTEVEDRA iniciará a partir do 8 de novembro e ata o 23 de maio de 2019, o seu programa de “Formación de usuarios e Animación á lectura” aberto a todos os centros escolares de Pontevedra e a súa provincia. 
 
 
 
As visitas diríxense a nenos e nenas dos cursos de 4º, 5º e 6º de Infantil e 1º, 2º, 3º, 4º, 5º e 6º de Primaria. A súa duración será aproximadamente de 60 minutos, nos que se van a desenvolver actividades de animación adaptadas ás diferentes idades, coa finalidade de fomentar a lectura e dar a coñecer os servizos e fondos bibliográficos da Biblioteca. Realizaranse os xoves dúas visitas en horario de mañá de 10:00 a 11:00 horas a primeira e de 11:15 a 12:15 horas a segunda, en grupos de 25 a 30 alumnos.

É necesaria a concertación previa de visitas, na que se deberá indicar: o curso ao que pertezen e a actividade que se escolle, cun límite de dúas sesións por colexio.

ÁBRESE O PRAZO O DÍA 24 DE OUTUBRO na Biblioteca Pública en horario de 9 a 14 h. no tlf. 886 159 249.

Programas das visitas



luns, 22 de outubro de 2018

Día da Biblioteca na Biblioteca Pública de Pontevedra



Como cada 24 de outubro, este mércores celebramos o Día Internacional da Biblioteca. 

Elixiuse esta data para conmemorar a destrucción da Biblioteca de Sarajevo, incendiada en 1992 durante o conflicto dos Balcáns. 



Programa de actividades na Biblioteca Pública de Pontevedra Antonio Odriozola:


Os alumnos de 1º da ESO do IES Torrente Ballester visitan á biblioteca
Data: 24.10.18 ás 12.00 h.



Sesión de contos + obradoiro de debuxo: " A investigadora P e o tesouro de Benito Soto" a cargo de Polo Correo do Vento



Público destinatario: Nen@s a partir de 3 anos

Lugar: Sala de obradoiros
Data: 19.10.18 ás 18:00

Entrada de balde, ata completar aforo


Sesión de contos: “Contos, cantos e festa para celebrar o día da biblioteca , a cargo de Bea Campos (Migallas)
Especial Día da Biblioteca”, 24 de outubro



Sinopse: Contos con música a partir de 3 anos. Divertidas historias de osos, ratos e cabritos para gozar en familia.

Público destinatario: Nen@s a partir de 3 anos
Lugar: Sala de obradoiros
Data: 24.10.18 ás 18.00 h.
Entrada de balde, ata completar aforo


Valedoras do saber, vítimas da ignorancia


Exposición sobre as grandes bibliotecas destruídas ao longo da historia. A Biblioteca como obxectivo bélico.
Datas: 15.10.18-5.11.18
Público destinatario: Todos os públicos
Lugar: Planta baixa




A arboriña da curuxa sabedora. 


Un centro de interese en forma de árbore onde poderás atopar contos de bibliotecas.
Datas: 15.10.18-5.11.18
Público destinatario: Público infantil
Lugar: Sala infantil


A destrución da ignorancia


Mostra bibliográfica de novelas relacionadas coas bibliotecas.
Datas: 15.10.18-5.11.18
Público destinatario: Todos os públicos
Lugar: 2º andar






Camiña Galicia

  Durante os meses de verán, na sala infantil, podes atopar esta selección de libros para levar prestados  sobre os camiños de Santiago.