Publicacións

Mostrando publicacións desta data: 2019

Actividades outubro

Imaxe
Obradoiros de igualdade, a cargo de Di+ Centros Formativos

Igualad@s: Gymkana pola igualdade - Venres 4 de outubro, de 18:00 a 20:00 -Mozos de 16 a 18 anos (15 prazas) 


Igualad@s: Gymkana pola igualdade - Sábado 5 de outubro, de 11:00 a 13:00 - Mozos de 12 a 15 anos (15 prazas) 
Inscrición previa a partir do luns, 23 de setembro, na entrada da Biblioteca (Información) ou por teléfono (886 15 92 50) en horario de 9:00 a 20:30 h

Igualad@s: gymkana pola igualdade

Imaxe
Espazo de educación en igualdade con recursos lúdicos-didácticos 
Os obradoiros "Igualad@s: gymkana pola igualdade" están orientados a público xuvenil e celebraranse na Biblioteca Pública de Pontevedra: Venres 4 de outubro de 18.00 a 20.00 h. para a mocidade de 16 a 18 anos (15 prazas).Sábado 5 de outubro de 11.00 a 13.00 h. para a mocidade de 12 a 15 anos (15 prazas).
Inscrición previa a partir do día 23 de setembro na entrada da Biblioteca (información) ou por teléfono (886159250) en horario de 9.00 a 20.30 h. Entrada de balde.


Esta actividade realízase ao amparo do Acordo de colaboración entre a Vicepresidencia e a Consellería de Presidencia, Administracións Públicas e Xustiza e a Consellería de Cultura e Turismo, para desenvolver as medidas previstas no Pacto de Estado contra a Violencia de Xénero.

Certame de Relato Curto

Imaxe
BASES:



PRIMEIRA. Obxectivo O obxectivo deste concurso é o fomento da creación literaria no ámbito da Biblioteca Pública, e servir como canle de difusión de novos valores.
SEGUNDA. Participantes Poderán presentar os seus traballos as persoas maiores de 16 anos.

TERCEIRA. Tema O tema será a igualdade de xénero.
CUARTA. Criterios de valoración Orixinalidade no tratamento da temática elixida e no emprego de técnicas e figuras literarias. Uso correcto da gramática e da ortografía.

QUINTA. Condicións de presentación das obras
Cada participante presentará un único relato. Este deberá ser orixinal e inédito, sen que fose reproducido ou difundido previamente en ningún tipo de soporte ou medio (publicacións escritas, páxinas web, redes sociais, etc.) O idioma elixido pode ser o galego ou o castelán. A extensión máxima admitida é de tres páxinas escritas a ordenador con fonte Arial de tamaño 11 e entreliñado de 1,5.

SEXTA. Presentación de orixinais Os traballos poderán presentarse dun dos seguintes xeitos: …

Inscrición nos clubs de lectura para 2019-2020

Imaxe
Club “Voz de muller” luns alternos desde o 7 de outubro de 19.00 a 20.00 h. Club de francés martes alternos desde o 8 de outubro de 19.00 a 20.00 h. Club de castelán todos os mércores desde o 9 de outubro de 17.00 a 18.00 h. Club de galego xoves alternos desde o 10 de outubro de 19.00 a 20.00 h.

Prazo de inscricións do 23.09.2019 ás 9.00 h. ao 27.09.2019 ás 21.00 h. no mostrador de recepción (planta baixa).
Normas da inscrición: Acudir de xeito presencial Cada persoasó pode apuntar a dúas persoas(contándose a si mesma) Cada persoa pode apuntarse só a un dos clubs, pero é posible poñerse nalistaxe de espera de calquera dos outros

Novo horario da sala infantil da biblioteca

Imaxe

Climate emergency = Todo está cambiando

Imaxe
Algunha vez te preguntaches... Canto tempo nos queda?

Na planta baixa da biblioteca podes atopar unha selección de obras para levar en préstamo que tratan sobre o cambio climático e que non han deixar a indiferente a ninguén.

Ata o 15 de agosto.


Ratos polo mundo

Imaxe
Os ratos da biblioteca decidiron facer turismo este verán.

Na sala infantil podedes atopar este centro de interese que reúne os libros e as películas que consultaron os nosos ratos para planificar as ditas viaxes, e todo pode ser levado en préstamo.


Non nos mires! Tócanos...

Imaxe
Este verán arrancou co recuncho erótico situado no segundo andar da biblioteca. Alí pode atoparse unha selección de libros e outros materiais para levar en préstamo ata o día 26 de xullo.


Obradoiros de verán na biblioteca

Imaxe
Para nenos e nenas de 4 a 7 anos
De 11:00 a 12:30

Contos con sabores “Receitas de fantasía”
Os mércores 10, 17, 24 e 31 de xullo

Entre contos e cores “Debuxando historias”
Os mércores 7, 14, 21 e 28 de agosto


Para nenos e nenas de 8 a 12 anos
De 11:00 a 12:30

Iniciación ao Scratch “Deseña o teu xogo”
Os martes 9, 16, 23 e 30 de xullo

Arquitectura e reciclaxe “Inventa con conciencia”
Os martes 6, 13, 20 e 27 de agosto


Inscripción previa, a partir do martes 25 de xuño na entrada da Biblioteca (Información) en horario de 9 a 20:30h

Lugar de realización: sala de obradoiros

Entrada de balde


https://www.cultura.gal/sites/default/files/documents/evento/cartel_obradoiros_de_veran_2019_1.pdf

Actividades infantís de xuño

Imaxe
Cantacontos,a cargo de Migallas Teatro
Venres, 7 de xuño ás 18.00 h Público infantil partir de 3 anos na sala de obradoiros da Biblioteca Entrada de balde, ata completar a capacidade da sala



Contos para bebés”, a cargo de Pavís Pavós
Venres, 14 de xuño ás 18.00 h Bebés (0-3 anos).  Con inscrición e recollida de invitacións: -As inscricións a partir do 10 de xuño, luns, na biblioteca, na planta baixa (Información) ou por teléfono (886 15 92 50) de 9:00 a 20:30 h. - As invitaciónsrecolleranse na planta baixa (Información) 20 bebés+ 1 adulto por bebé
Entrada de balde 

Guatemala, la montaña de basura

Imaxe
Martes 28 de maio, ás 19.00 h, na Biblioteca Pública de Pontevedra terá lugar a presentación do libro "Guatemala, la montaña de basura". O sacerdote guatemalteco Sergio Godoy visitará a Biblioteca de Pontevedra para falarnos da "Comunidade Esperanza". A Comunidade Esperanza é un centro dedícase ao acompañamento de poboación socialmente vulnerable; especialmente de nenos e mozos que traballan no vertedoiro de Cobán (Guatemala) ou que viven nas barriadas marxinais desta cidade. Este libro foi publicado con fins benéficos e pretende sensibilizar acerca da terrible realidade que vive gran cantidade de persoas en Guatemala.

Como aplicar a lei de Pareto a WordPress, á túa vida e ao teu negocio

Imaxe
O 24 de maio ás 18.30 h teremos na Biblioteca a próxima reunión de Word Press Pontevedra, coa charla: Como aplicar a lei de Pareto a WordPress, á túa vida e ao teu negocio

Trátase dun evento que organiza a comunidade de WordPress Pontevedra de xeito altruísta.

Máis información en :

https://www.meetup.com/es-ES/Pontevedra-WordPress-Meetup/



Conta atrás das Letras Galegas: María Victoria Moreno, 2018

Imaxe
María Victoria Moreno naceu en Extremadura no ano 1939, e viviu parte da súa infancia en Sepúlveda. Tras estudar o Bacharelato en Barcelona, onde aprendeu catalán de francés, en 1963 licenciouse en Filosofía e Letras na Universidade Complutense de Madrid. 
Despois deu clases como profesora interina en Pontevedra, ata que en 1965 aprobou as oposicións e tivo que traballar dous anos en Lugo, onde fixo amizade con Alonso Montero, e catro anos en Vilalonga (Sanxenxo), antes de volver a Pontevedra ó Instituto Valle Inclán.
Desde o seu paso por Lugo e a súa amizade con Alonso Montero, María Victoria Moreno involucrouse na defensa da lingua galega. Involucrouse tamén en impartir cursos de galego de xeito voluntario por diferentes cidades de Galicia, o que no franquismo fixo que lle retiraran o pasaporte en 1974.
Como profesora foi moi próxima ós seus alumnos, e daba aulas de forma moi lúdica. Aínda que en Pontevedra, durante o franquismo, daba clases de lingua e literatura castelás, dedic…

Conta atrás das Letras Galegas: Carlos Casares, 2017

Imaxe
Carlos Casares Mouriño naceu en Ourense o 24 de agosto de 1941, cumpridos apenas tres anos, a súa familia trasladouse á vila de Xinzo de Limia, onde o seu pai exerceu como mestre. Cando cumpriu once anos ingresou no Seminario ourensán, formándose en Humanidades. Durante estes anos vivirá nun ambiente fortemente represivo, prohibición estrita de falar galego, que espertarán no autor un espírito inconformista. Neste centro ten a súa primeira experiencia literaria, o xornal manuscrito El averno, que difundía clandestinamente.  Remata o bacharelato por libre no Instituto de Ensino Medio de Ourense e, desde o ano 1962 ata 1968, cursa a carreira de Filosofía e Letras na Universidade de Santiago, especializándose en Filoloxía Románica. Nesta época en Compostela tomou parte activa no movemento universitario, ligándose así ao núcleo da cultura galeguista e antifranquista. Entrementres, dedícase con intensidade á creación literaria, publicando na revista Grial e saíndo á luz o seu primeiro libro…

Conta atrás das Letras Galegas: Manuel María Fernández Teixeiro, 2016

Imaxe
Manuel María nace no ano 1929 na Casa de Hortas, fogar hoxe da súa casa museo, en Outeiro de Rei, na Terra Chá que tanto louvará. No seo dun fogar labrego acomodado, ten acceso a algunhas obras da literatura galega, así como na escola onde o seu mestre adica os sábados á arriscada lectura de Amado Carballo ou Manuel Antonio. Cando contaba 12 anos, o seu pai falece e marcha vivir a Lugo co seu tío, parroco de San Froilán. Home severo pero de gran formación intelectual, Manuel aproveitará a súa biblioteca e gastará a paga na compra de obras clásicas. Nas vacacións estivais, de volta en Outeiro de Rei, Manuel Paderna, xornaleiro na súa casa, ensinaralle a compoñer versos.
En 1949, canda Manuel Antonio Sopena, funda Xistral, revista na que publicará os seus primeiros versos, e pouco despois publica o seu primeiro libro, Muiñeiro de Brétemas. Escrito con só 19 anos, esta obra converteuno no primeiro autor novo en publicar en galego trala guerra civil e inaugurou a denominada Escola da Teb…

Conta atrás das Letras Galegas: Xosé Filgueira Valverde, 2015

Imaxe
Xosé Fernando Filgueira Valverde naceu no ano 1906 en Pontevedra. Tras estudar o bacharelato na súa cidade natal, cursou Dereito e Filosofía e Letras nas universidades de Santiago de Compostela e Zaragoza.
En 1923 participou na fundación do Seminario de Estudos Galegos e no ano 1929 entrou como secretario no padroado do Museo de Pontevedra, do que chegou a ser director en 1945 e director emérito desde 1986.
Nos anos vinte, mentres era estudiante, xa participou en diversas campañas de estudo en monumentos galegos e mantivo unha intensa actividade como investigador e conferenciante.
En 1927 comezou a súa labor docente no Instituto de Ensino Medio de Pontevedra. Máis en 1935, tras presentar a súa tese en Madrid, aprobou a súa oposición de catedrático de Lingua e Literatura Españolas. Traballou uns anos en Barcelona, Melilla e Lugo, ata que en 1939 puido volver ó Instituto de Pontevedra xa ata a súa xubilación en 1976. De feito, foi director do dito Instituto de Pontevedra desde 1944.
No a…

Conta atrás das Letras Galegas: Xosé María Díaz Castro, 2014

Imaxe
Xosé María Díaz Castro naceu en febreiro de 1914 no seo dunha familia labrega dos Vilares (Guitiriz), educouse na escola “habanera”, que promovera a Sociedade de Instrucción “Villares y su comarca”, constituída na Habana. En 1929 ingresou no seminario conciliar de Mondoñedo, onde cursou os estudos da carreira eclesiástica case ao completo. Foi alí onde comezou a interesarse polas linguas e deu os primeiros pasos na escrita, colaborando no xornal El Progreso Villalbés.
Os anos da Guerra Civil cúmpreos na retagarda, no Hospital militar de Pontevedra e despois, ingresa como profesor de lingua no colexio privado León XIII de Vilagarcía. En 1948 gañou praza de funcionario público e trasladouse a Madrid, onde traballou como tradutor para organismos oficiais e privados. Primeiramente no Ministerio de Gobernación, despois exerceu a docencia como profesor de linguas clásicas e modernas, traballou no Consello Superior de Investigacións Científicas e tamén, no Instituto de Cultura Hispánica.
Díaz…