Co orgullo de ser como somos

 

O día 28 de xuño celébrase o día do orgullo LGTBI+. 

Na Biblioteca Pública de Pontevedra Antonio Odriozola temos unha sección estable no segundo andar na que podes atopar materiais diversos de temática LGTBI+.

Horario de verán

Durante os meses de xullo e agosto a Biblioteca abre de luns a venres de 8.30 a 14.30h.

O servizo de préstamo pecha dez minutos antes do peche da Biblioteca.

Obradoiros de verán

Volven os obradoiros de verán á Biblioteca Pública de Pontevedra!

Este verán temos dous obradorios:

Obradorio de historias e creación musical:

Para nenas e nenos de 6 a 8 anos os xoves 8, 15, 22 e 29 de xullo de 11.00 a 12.30 h.

Obradoiro de lettering e arte visual:

Para nenas e nenos de 9 a 12 anos, os martes 6, 13, 20 e 27 de xullo de 11.00 a 12.30 h.

Inscrición previa  a partir do 22 de xuño no formulario da páxina web da Biblioteca Pública de Pontevedra. 

Entrada de balde

Unha de meigas... para a noite máis meiga do ano

A noite do 23 para o 24 de xuño é a noite de San Xoán, na que se celebra o solsticio de verán. 

Galicia conta cunha forte tradición na celebración desta festa, cun amplo número de ritos. Algún dos máis extendidos son: saltar as cacharelas, os xantares coas sardiñas como protagonistas e lavarse coa auga das herbas de San Xoán.

As herbas de San Xoán varían dunhas zonas a outras, mais hai algunhas que se recollen en case toda Galicia: herba de San Xoán, fiuncho, fento macho, codeso, romeu, herba luisa, trovisco... Estas herbas métense en auga e deixanse na noite de San Xoán ao resío para protexerse das meigas e ao amencer lavarse a cara con elas.

Na Biblioteca pública de pontevedra fixemos unha escolla de libros e películas sobre meigas para diferentes idades e desde distintos puntos de vista: novelas, películas, libros de herbas medicinais, libros con perspectiva de xénero...

Desde o día 16 ata o 30 de xuño podes levar en préstamo as obras que desexes. 

E nos vindeiros días traeremos as herbas de San Xoán ao noso pote de auga...

Obradoiro de creación de marionetas

Obradoiro de creación de marionetas para nenas e nenos de 7 a 12 anos.

Venres 11 de xuño de 17.30 a 19.00 h.

Inscrición previa no formulario web a partir do luns 7 de xuño ás 11.00h.

Obradoiro de creación de dados conta historias.

As e os participantes terán a posibilidade de fabricar un xogo de dados que lles permitirá inventar historias segundo vaian aparecendo as imaxes en cada tirada. Deste xeito, non soamente estimulan a súa creatividade na invención das historias, senón que tamén fomenta a súa capacidade de improvisación e axilidade mental.

Para rapaces e rapazas de 6 a 8 anos.

Con inscrición previa a partir do 2 de xuño ás 11 h., a través do formulario da páxina web da biblioteca: 

Inscricións