Recuncho de lectura para pequenos

Recuncho de lectura para pequenos

A todos os amantes da lectura nos gusta ter un sitio especial para ler, e a os mais pequechos da casa, tamén. Por iso hoxe ímosvos a propor crear un espazo especial para os máis cativos, só empregando o que teñamos por casa.

O primeiro será explicarlle aos nenos o que imos facer e o que pode significar para eles ter un sitio especial para gardar os seus contos e para ler. Este espazo pode ter uns grandes beneficios para os nosos cativos: crear un espazo de seu, darlle unha maior entidad o feito de ler, e  pasar un rato agradable deseñando e decorando o recuncho facendo que sexan eles os que se sintan donos do espazo dende un principio volcando nel toda a súa imaxinación.

Ahí van algunhas ideas:

Seleccionar un ou varios andeis dunha librería onde teñamos os nosos propios libros ou crear un espazo aparte unicamente para eles. Se optamos por compartir o noso espazo con eles   temos que delimitar o seu dalgún xeito, unha forma de o facer sería esta

Se creamos un espazo aparte, en primeiro lugar teremos que decidir o sitio ideal. O seu cuarto pode ser cómodo para ler cada noite, no salón ou noutra zona común dámoslle máis importancia e visibilidade á lectura, se optamos por un cuarto de xogos verán os libros como algo divertido.A decisión é vosa

Unha vez decidido o lugar onde vai a estar é o momento de dar unha volta por a casa e buscar cousas que nos poidan servir para crear o recuncho de lectura. Podemos empregar dende algún moble ata unha caixa ou unha cesta.Pero tamén podemos buscar coxíns, alfombras, sillas ou pequenas butacas... todo está permitido.

E, por suposto, temos que buscar algo para decorar. O máis sinxelo é facer letras en papel en forma de bandeirola pero tamén podemos usar letras de cartón reciclado, en relevo ou calquera tipo de material que teñamos por casa.

Na decoración podemos elexir por usar somentes unha verba coma Ler, Leer ou Read, ou frases máis longas como: Érase unha vez, Ler dache soños, o recuncho dos soños, Mil vidas nun conto ... 

Outro tema é a rotación de contos. É interesante colocar poucos libros e ir rotándoos como se pode facer  cos xoguetes para que os aproveiten todos é, de cando en vez, atopen algo novo.

Todo isto servirá para ter un recuncho de lectura moito máis bonito e ordenado.

Agardamos que con esta idea vos animedes a crear o voso propio recuncho de lectura infantil e se vos apetece o compartades connnosco a través das redes sociais ou enviando un correo  electrónico o noso enderezo  biblio.publica.pontevedra@xunta.gal e nos o publicaremos. E xa sabedes, a seguir na casa.

#quedanacasa #aculturasegue #recunchodelectura #librosinfantísexuvenís 

Pintamos un conto?

Pintamos un conto?

Para celebrar o 2 de abril, Día do Libro Infantil, desde a Biblioteca Pública de Pontevedra queremos propoñer aos máis pequenos da casa que nos debuxedes unha personaxe do voso conto favorito e nola enviedes durante todo o mes de abril ao noso correo electrónico:

biblio.publica.pontevedra@xunta.gal

Poñede os seguintes datos:

- Título do conto

- Personaxe elixida

- Nome, apelidos e idade

Con todos os debuxos que enviedes faremos unha exposición para celebrar convosco a apertura da biblioteca tras este parón forzoso.

Esperamos os vosos debuxos!

Moito ánimo para todos e feliz Día do Libro Infantil!

[Ilustra este texto o debuxo gañador do Premio Gálix 2016, autora: Noa Fernández Curra]

Un anaco de pastel

“O cine non é un anaco de vida senón un anaco de pastel”(Alfred Hitchcock). Pode que os pasteis non sexan o máis saudable, nen os debamos comer a cotío pero quén se pode resistir de cando en vez a un bo pedazo de torta?. No cine ocorre o mesmo. Hai películas que non van pasar á historia  como obras mestras, non son as mellores dos seus directores nin dos seus actores, nin van elevar o noso nivel cultural, pero son ese tipo de películas que nos provocan unha sensación tan pracenteira como tomar o noso doce favorito. Ahí vai unha selección de cinco filmes para sorrir, rir as gargalladas, emocionarse, e ver acompañadas, como non, dun pastel.

Café irlandés : Barrio obreiro dunha cidade irlandesa dos anos 80. A familia Curley ten que facer frente a unha nova inesperada … a filla maior está embarazada, pero nin sequera ten noivo. Quén será o pai?. Sinxela, descarada, entrañable e tremendamente divertida.

Frankie & Johnny: Un restaurante grego un ex-presidiario convertido en cociñeiro, unha camareira triste e desencantada. Persoas correntes que dan vida a unha doce historia de amor. Chea de tenrura e romanticismo, quen non a elexiría para unha tarde de sofá?

Airbag: Un grupo de amigos organiza unha despedida de solteiro que traerá insospeitadas consecuencias ...Narcos galegos e portugueses, Gardas civís, clubes de alterne e os mais dispares personaxes poblan esta comedia gamberra, desmadrada e políticamente incorrecta na que rirás de principio a fin.

Quiero ser como Beckham: Jess e Jules habitan na mesma cidade inda que en mundos moi distintos pero ambas teñen algo en común : a súa paixón por o fútbol. Bonita historia de superación e amizade que a pesares de tratar temas como o racismo e a homofobia o fai con un tono de humor e desprendendo alegría.

Días de radio: Toda unha homenaxe a época dorada da radio.Da man dunha marabillosa banda sonora coñeceremos as pequenas historias dunha peculiar e humilde familia xudía de Nova York. Poética, melancólica, evocadora, fai da nostalxia todo un arte.

Libros xogo

Cantas veces oímos que un rapaz ou unha rapaza son tan inquedos que non conseguen atender a un conto?.Para eles o teu bibliotecario ou bibliotecaria e os teu libreiro ou libreira poden facerche recomendacións que sempre funcionan. Pero ademais podes optar por buscar libros que sexan tamén un xogo.

A continuación, mostrámosche algúns exemplos agrupados por idades.


1. Ata 5 anos

 -Libros musicais e de sons

 -Libros con marionetas

 -Libros con imáns

 -Libros para ler a escuras

 -Libros de actividades: libros de adhesivos, actividades, mariquitas para vestir, plantillas   para deseñar

2. De 6 a 8 anos

 -Libros musicais e de sons

 -Libros para aprender lectoescritura e mates

 -Libros para adquirir habilidades

 -Libros para contar : inusuais e moito!

-Libros con maquetas

3. Máis de 9 anos

 -Libros de buscar

 -Libros con gafas 3D ou linternas

 -Libros para xogar

 -Libros de actividades: libros de pegatinas, plantillas para facer figuras xeométricas, pintar con números ...

Agardamos que saquedes ideas para ler e regalar aos máis cativos. Pero sobre todo, gustaríanos que os disfrutarades moito.

Un poema na túa voz

 

 

 

Un poema na túa voz 

 

Para conmemorar o Día Internacional do Libro Infantil e Xuvenil, a Asociación Galega do Libro Infantil e Xuvenil (GÁLIX) convoca o concurso «Un poema na túa voz» para incentivar a lectura de poesía entre o alumnado de Educación Primaria e 1º ciclo de Educación Secundaria, promover e defender a potencialidade expresiva da poesía en voz alta e contribuír á divulgación da creación poética de autoras e autores galegos.

Os traballos poderán presentarse a través das bibliotecas públicas, das bibliotecas escolares ou de librarías.

Nas seguintes ligazóns podedes consultar as bases da convocatoria, así como os modelos de ficha de datos e de autorización de menores.

Bases de participación

 

Ficha de datos 

 

Autorización 

 

Pasaporte de lectura das Letras Galegas 2020

Do 5 de marzo ata o 14 de maio.

Que é o “Pasaporte de lectura das Letras Galegas 2020”?

É unha actividade dirixida ós usuarios xuvenís e adultos da Biblioteca que ten por obxecto o fomento da lectura en galego.

Que teño que facer?

Ler catro libros en lingua galega das seccións de novela, poesía, teatro, xuvenil ou cómic. Por cada libro que se lea, o persoal da Biblioteca porá un selo nun pasaporte.

Canto dura a actividade?

Dende o 5 de marzo ata o 14 de maio poderánse levar os libros en préstamo.

Que fago cando complete o "Pasaporte"?

Unha vez completado o pasaporte cos selos correspondentes, depositaranse na caixa situada no mostrador de préstamo na segunda planta da biblioteca. Posteriormente, o día 15 de maio ás 12:00 farase un sorteo público entre os pasaportes recibidos. Non será necesario estar presente para recibir o premio, a Biblioteca contactará cos usuarios gañadores.

Cantos pasaportes podo completar?

Non hai número limitado de pasaportes, pódense ler cantos libros se queiran.

Ler ten premio?

Si, entre os participantes na actividade sortearanse 3 lotes de libros.

Obradoiro de Poesía impartido por Carmen Conde

Obradoiro de poesía

De 13 a 130 anos

Venres 13 de marzo de 17.00 a 20.00 h. na sala de obradoiros da Biblioteca

Con inscrición previa, a partir do mércores 5 de marzo na entrada da biblioteca (Información) ou por teléfono (886 159 250), en horario de 9.00 a 20.30 h.

Entrada de balde

O obradoiro está aberto a adolescentes e adultos que sintan inquedanzas pola escrita poética e teñan interese en se iniciar.

Divídese en dous bloques: un primeiro no que se fala de referentes en poesía e un segundo no que se salta ao marabilloso mundo da creación e da busca da voz propia.