luns, 22 de abril de 2019

Conta atrás das Letras GAlegas: Aquilino Iglesias Alvariño, 1986





Aquilino Iglesia Alvariño foi un poeta, crítico e tradutor de obras grecolatinas galego. Naceu en Seivade (Lugo) en 1909 e morreu en Santiago de Compostela en 1961.

Pertencente a unha familia de labradores, a súa infancia vivida no mundo rural galego marcará a súa obra. A súa poesía de estilo bucólico estará impregnada deses primeiros anos de vida, así como a representación da vida, cultura e linguaxe galegas. Con 16 anos comeza publicar os seus primeiros versos, pero non será ata 1930 cando se publicará o seu primeiro libro, Señardá.

Aquilino estudou no Seminario de Mondoñedo Latín e Filosofía, carreira que abandonaría en 1931 para entrar no servizo militar e que non retomaría ata anos máis tarde en Santiago de Compostela. Sería durante a súa estancia en Mondoñedo cando coñecería a literatura clásica grecolatina, literatura que o impulsaría a realizar traducións de moitas obras escritas nesa lingua. Tamén nestes anos coñecería a outros autores galegos como Vicente Risco ou Ramón Otero Pedrayo.

Militante do Partido Galeguista, traballou na revista Nós, en A Nosa Terra, Resol ou Papel de Color. En 1933 saíu á luz o seu segundo poemario Corazón ao vento, e trala súa publicación seguiría un largo silencio de moitos anos que incluíron a Guerra Civil, a morte dun dos seus irmáns e o seu casamento con Dolores Ferreirós Santos.

Aínda que nunca deixou de escribir e publicar poemas e escribir en revistas, non sería ata 1947 cando volve publicar o libro Cómaros Verdes. Esta obra supón un cambio no estilo de Aquilino, aínda que o tema da soidade e a dor seguen estando vixentes nos seus poemas.

A ditadura puxo fin á súa afiliación política, pero nunca deixou de escribir en galego nin de manter una estreita relación coa cultura galega. Durante os seus últimos anos de vida formou parte da Real Academia Galega, do Patronato Rosalía de Castro e da Editorial Galaxia e escribiría Lanza de soledá, Leva o seu cantare e Nenias, as tres obras publicadas postumamente.

En 1986 dedicaríaselle o Día das Letras Galegas, e dende o 2009 pódese apreciar unha placa conmemorativa na súa casa natal en Abadín.

Ningún comentario:

Publicar un comentario

Libros con corazón

Imos poñer a San Valentín como escusa para ensinarvos unha pequena selección de libros en cuxo título aparece a palabra corazón. Se quer...